Брэсцкага абласнога выканаўчага камітэта
На ўрок - у дзяржархіў!
12 студзеня 2023 г. Занальны дзяржаўны архіў у Кобрыне ў рамках акцыі «Архівы – школе» наведалі вучні 9-11 класаў ДУА «Мінянская сярэдняя школа» Кобрынскага раёна. Для навучэнцаў быў праведзены ўрок па тэме «Рэлігійныя канфесіі Кобрынскага раёна». Школьнікам была прадэманстравана прэзентацыя на дадзеную тэматыку.
Дзецям была праведзена аглядная экскурсія па архіве з наведваннем архівасховішча, падчас якой яны пазнаёміліся з умовамі захоўвання дакументаў, іх складам і зместам. Увазе навучэнцаў былі прадстаўлены дакументальныя выставы.
Супрацоўнікі архіва азнаёмілі вучняў з інтэрнет-рэсурсамі, з дапамогай якіх можна ажыццяўляць пошук інфармацыі аб архівах, а таксама атрымаць звесткі аб відах дакументаў, якія ў іх захоўваюцца. Паінфармавалі навучэнцаў аб навучальных установах, у якіх сёння падрыхтоўваюць спецыялістаў архіўнай сферы.