13 снежня 2019 г. намеснік начальніка галоўнага ўпраўлення юстыцыі Я. Ф. Сцельмашук і намеснік начальніка аддзела арганізацыі і кантролю прымусовага выканання ўпраўлення прымусовага выканання галоўнага ўпраўлення юстыцыі А. I. Малошык прынялі ўдзел у мерапрыемстве ў фармаце "круглага стала", праведзенага Брэсцкай абласной натарыяльнай палатай Беларускай натарыяльнай палаты.

 Падчас мерапрыемства абмяркоўваліся пытанні ўзаемадзеяння натарыята вобласці з органамі прымусовага выканання. Удзельнікі мерапрыемства падрабязна абмеркавалі паўнамоцтвы судовых выканаўцаў, парадак вядзення выканаўчай вытворчасці, а таксама правы і абавязкі бакоў у выканаўчай вытворчасці.

Акрамя таго, у ходзе мерапрыемства былi абмеркаваны праблемныя пытанні, такія як спагнанне з салідарных даўжнікоў, парадак вяртання залішне ўтрыманых сум, замены бакоў у выканаўчай вытворчасці і многія іншыя.