28 жніўня 2019 г. прайшло пасяджэнне Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў (далей-Цэнтральная камісія), удзел у якім, як член Цэнтральнай камісіі, прыняў начальнік галоўнага ўпраўлення юстыцыі Брэсцкага аблвыканкама С. А. Каліноўскі.

У ходзе пасяджэння ў адпаведнасці з парадкам дня быў разгледжаны шэраг пытанняў. У прыватнасці, пытанне аб парадку выкарыстання СМІ, аб парадку дэкларавання даходаў і маёмасці кандыдатамі ў дэпутаты Палаты прадстаўнікоў Нацыянальнага сходу Рэспублікі Беларусь сёмага склікання, а таксама аб фарміраванні і выкарыстанні выбарчых фондаў і некаторыя іншыя пытанні.